سألنا ١٠ أشخاص لو رجعت بالزمن، إيه اللي هتغيره في علاقاتك القديمة؟ وديه إجاباتهم!


بعد ما أي علاقة بتخلص، ولما تعدي مدة كويسة، بنبدأ نبص الموضوع بطريقة منطقية خالية شوية من المشاعر والتحيزات. ساعتها بس، لما بنشوف الصورة كاملة من بره، بنقدر نحدد عيوب ومميزات العلاقة ديه. يا ترى لو عندك القدرة ترجع بالزمن، إيه اللي هتغيره؟

“مش هقبل حد يعتبر وجودي شيء مُسلم بيه”

محدش بيحب يحس انه متاخد for granted، اكيد نستاهل احسن!

“هبقى متفهمة اكتر وهشارك اكتر”

قلة المشاركة والتواصل سبب في نهاية علاقات كتير فى حياتنا.

“هقتله”

طيب نستأذن احنا بقى…

“مش هعرف اغير تفكيرها وتفكير أهلها”

مش صح إننا ندخل علاقة شايفين فيها حاجات مش مناسبة لينا وبعدين نقول “هنغيرها” مش المفروض حد يغير حد.

“مش هتجاهل العلامات الحمرا”

لما إحساسك او “حدسك” يقولك إن فى حاجة غلط من الاول، عادة بيكون صح. ماتتجاهلش العلامات عشان سعادة مؤقتة!

“مش هديله فلوس”

مش بنشوف ده كتير بس اه. في ولاد بيدخلوا علاقات بس عشان يستغلوا البنات ماديًا. 

“مش هطلب منها تتخن شوية”

تاني، مش من حق أي حد يطلب منك تغير حاجة في شكلك. لو شكلك مش عاجبه ماينفعش يكون معاك. بس مش عيب تتكلموا في عيوبكم ومشاكلكم برضه سوا!

“كنت هعبر اكتر عن مشاعري”

البخل في المشاعر ده عادة بيبقى بسبب مشاكل أو صدمات نفسية. حاول تشارك ده مع دكتورك الأول وتتكلم فيه مع الشريك برضو.

“هحب وهقدر نفسي اكتر”

لو بتحب نفسك، هتعرف امتى الشخص اللي معاك فعلاً بيحبك ويقدرك ولا في حاجه ناقصة!

“كنت هسيبها بعد اول مرة اكتشفت انها بتخوني”

الخيانة فعل بشع. بس مفيهاش صح وغلط. اعمل المناسب ليك، سواء هتقبل تكمل مع الشخص ده أو هتقرر تنسى وتجرب تاني معاه.

يمكن لما نبص عالقصص الواقعية ديه نفكر في علاقتنا دلوقتي. وعلى رأي الأستاذ فؤاد المهندس “اسمع لعلك تستفيد





Source link

Leave a Reply

Your email address will not be published. Required fields are marked *