٧ اسئلة مش لازم نسألها في أول ديت!


لما بننزل نقابل حد فيه احتمال اننا نرتبط بيه لأول مرة، الموضوع بيكون موتر جدًا. اكيد بنبقى واثقين في نفسنا وبنعرف نتكلم. بس مهم اوى برده اننا مانخليش القعدة مريبة بأي سؤال احنا بنسأله للطرف التاني. عشان الإنطباع الأول ده هو بس اللي بيحدد هيكون في مرة تانية ولا لا؟ 

دخلت في كام علاقة لحد دلوقتي؟

ده سؤال خاص ومش من حق شخص اول مرة يقابلك يسأله. يعني لو في حياتك علاقات كتير او لا ده هيكون دليل على إيه مثلاً؟ وايه الفايدة من السؤال؟ غالبًا لو علاقتكم اتطورت أكتر هو/هي هيقولوا ده لوحدهم!

ازاي حد زيك لسه مش مرتبط لغاية دلوقتي؟

سؤال تاني مش لطيف لأول مرة. طيب فيها إيه؟ ما انت نفسك سينجل. ممكن مايبقاش لاقي حد مناسب، وعشان كده.. همم.. قاعد معاك؟ 

فيه أي أسرار عنك لازم أعرفها؟

حتى لو فيه، تفتكر هيقولك؟ بلاش الكلام اللي من نوعية “ممكن تطلع مجنون أو عايز تختطفني هههه” عشان بيوتر الشخص اللي قدامك اكتر ماهو متوتر.

ايه رأيك في الجواز؟ مرتبك كام؟

تاني، اسئلة خاصة شوية على أول مرة. زائد إنها ممكن تدي الطرف التاني احساس انك انت هتموت وتتجوز مثلاً. طب ليه؟ 

فركشت مع الإكس ليه؟

تفتكر لما يقولك أسبابه في أول مرة يقابلك مع ضغط إن هو لازم يعجبك عشان ديه اول مرة يقابلك، هيجاوب عالسؤال ده بصراحة؟ بلاش نضحك على نفسنا.

هننزل ديت تاني امتى؟

لو الديت ماشي حلو، بلاش نبين اننا متحمسين اوي للمرة الجاية بأسئلة من النوعية ديه. يعني هو اكيد باين على وشنا وطريقتنا بس بلاش نحط أي ضغط عالشخص التاني. الأفضل نسيب الأمور تمشي بسلاسة.

تنويه: مش لازم تلتزم بكل اللي مكتوب فوق واكيد في الديت ممكن أي سؤال من دول يتسأل عادي وبطريقة تبان طبيعية. عادي، ماتتوتروش وكملوا !





Source link

Leave a Reply

Your email address will not be published. Required fields are marked *